ሳሜህ ሹክሪ እና ሞሃመድ አብደል አቲ ካርቱም ገቡ

0
49

የግብፅ የውጭ ጉዳይ ሚኒስትር ሳሜህ ሹክሪ እና የውሃ ሀብትና መስኖ ሚኒስትር ሞሃመድ አብደል አቲ ከሱዳን ባለስልጣናት ጋር ለመመካር ካርቱም ገብተዋል።

አል ዐይን ኒውስ ከግብፅ የውጭ ጉዳይ ሚኒስቴር ያገኘው መረጃ እንደሚያመለክተው ሚኒስትሮቹ ካርቱም ሲደርሱ የሱዳን የውጭ ጉዳይ እና የውሃና መስኖ ሚኒስትሮች አቀባበል አድርገውላቸዋል።

በካርቱም በሚኖራቸው ቆይታም ኢትዮጵያ በዓባይ ወንዝ ላይ እየገነባች ባለው የሕዳሴ ግድብ ዙሪያ ትኩረት አድርገው ይመክራሉ ነው ተባለው።

ሚኒስትሮቹ በካርቱም ቆይታቸው ከሱዳን ሉዓላዊ የሽግግር ምክር ቤት ሊቀመንበር ሌተናል ጄኔራል አብደል ፈታህ አል-ቡርሃን እና ከጠቅላይ ሚኒስትር አብደላ ሀምዶክ ጋር እንደሚመክሩም ተነግሯል።

ካይሮ እና ካርቱም ፣ ኢትዮጵያ የሕዳሴ ግድብን ሁለተኛ ዙር ሙሌት ከማከናወኗ በፊት አስገዳጅ ስምምነት ላይ እንዲደረስ የሚያደርጉትን ጥረት አጠናክረው ቀጥለዋል።

የሕዳሴ ግድብ ሁለተኛ ዙር ሙሌት መቃረቡን ተከትሎ ፣ ሁለቱም ሀገራት አስገዳጅ ስምምነት እንዲደረስ ያላቸውን አቋም በማንጸባረቅ ላይ ይገኛሉ።

ሱዳን ባሳለፍነው ሳምንት የጋራ ስምምነት ላይ ሳይደረስ ሁለተኛው ዙር የውሃ ሙሌት መካሄድ የለበትም ፤ ካልሆነ ብሔራዊ ደህንነቴን ለመጠበቅ ሁሉንም ህጋዊ መንገዶች እጠቀማለሁ ማለቷ ይታወሳል። ግብፅም እንዲሁ በተደጋጋሚ ዛቻ አዘል መልዕክቶችን ከፕሬዝደንቷ ጀምሮ በተለያዩ ባለስልጣናቷ በኩል አስተላልፋለች፡፡

ሁለቱን የታችኛው ተፋሰስ ሀገራት የመጉዳት ፍላጎት እንደሌላት በተደጋጋሚ የገለጸችው ኢትዮጵያ ፣ አስገዳጅ ስምምነት የመፈረም ፍላጎት የላትም ፤ የግድቡን ሁለተኛ ዙር የውሃ ሙሌትም በተያዘው ጊዜ እንደምታከናውን ቁርጠኛ አቋም ይዛለች፡፡

አውሎ ሚድያ ሰኔ 02/ 2013 ዓ.ም 

ወቅታዊ፣ትኩስ እና የተሟሉ መረጃዎችን ለማግኘት፡-

ቴሌግራም፦ https://t.me/awlomedia
ትዊተር፦ https://twitter.com/AwloMedia

ዩትዩብ፦ https://www.youtube.com/channel/UCFRuICCV8fHJGa3AbcA3zOA
ድረ ገጽ፦ https://awlomediatv.com
ፌስቡክ፡- https://www.facebook.com/awlomedia

መልስ አስቀምጥ

Please enter your comment!
እባክዎ ስምዎን እዚህ ያስገቡ