“ኢትዮጵያ የመኖር ያለመኖር ጥያቄ ውስጥ ናት” ብርሃኑ ነጋ (ፕ/ር)

0
130

የኢትዮጵያ ዜጎች ለማህበራዊ ፍትህ (ኢዜማ) ለሀገር በሚጠቅሙ ጉዳዮች ላይ ከየትኞቹም ፓርቲዎች ጋር እንደሚሰራ አስታወቀ፡፡

ኢዜማ በአዲስ አበባ ከተማ ላይ ያለውን አቋም በተመለከተ ግልጽ ለማድረግ የሚያችል ህዝባዊ ውይይት “የጋራ ህልም፤ የጋራ ከተማ” በሚል መሪ ቃል በማካሄድ ላይ ነው፡፡

በውይይት መድረኩ “ኢትዮጵያ የመኖር ያለመኖር ጥያቄ ውስጥ ናት” ያሉት የፓርቲው ፕሬዝዳንት ፕ/ር ብርሃኑ ነጋ “ለሀገር በሚጠቅሙ ጉዳዮች ከአብንም፣ ከባልደራስም፣ ከብልጽግና ጋር እንሰራለን” ሲሉ ተናግረዋል፡፡

ፕሬዝዳንቱ “ኢትዮጵያ ደህነቷን ለማስጠበቅ ከጎረቤት ሀገራት ጋር መተባበር” እንደምትችል ነው የተናገሩት “እገዛ ካስፈለገ በይፋ መነገር ነበረበት፤ መብት ግን መነካት” እንደሌለበትም በመጠቆም፡፡

ፕ/ር ብርሃኑ በከተማዋ ላይ ካለው የልዩ ጥቅም ጥያቄ ጋር በተያያዘ “ለአንድ ዘር/ብሔር የሚሰጥ የተለየ ጥቅም የሚባል ነገር የለም” ሲሉ ተናግረዋል፡፡

አዲስ አበባ ልትሰፋ እና ልታድግ እንደሚገባ የተናገሩም ሲሆን “በዙሪያዋ ያሉት አርሶ አደሮችም መጠቀም አለባቸው” ብለዋል፡

ሰንደቅ ዓላማን በተመለከተ “በአረንጓዴ፣ ቢጫ፣ ቀይ አንደራደርም ” ብለዋል ፕሬዝዳንቱ፤ መሐል ላይ አርማ ካስፈለገ በሕዝብ ምርጫና በመነጋገር ብቻ ምላሽ ሊሆን እንደሚችል በማከል፡፡

ከቅርብ ጊዜያት ወዲህ እየተዘወተረ የመጣውን የከተማ አስተዳደሩን የምክትል ከንቲባ ማዕረግ ሹመት አሰራር ተችተዋል፡፡

“በምክትል ከንቲባ ማዕረግ እየተባለ፣ የሕዝብ ውክልና የሌለው ሰው የሚሾምበት አሰራር ትክክል አይደለም” ሲሉም ነው ያስቀመጡት፡፡

ፕ/ር ብርሃኑ “ሙስና በሞት የሚያስቀጣ ወንጀል እንዲሆን እናደርጋለን፤ የሃይማኖት አባቶች እንዲያወግዙትም እንጠይቃለን” ብለዋል፡፡

ከብልጽግና ጋር የተደረገ ውህደት እንደሌለ እና መሠረታዊ ልዩነቶች እንዳሏቸውም ነው የገለጹት ሲል አል ዐይን ዘግቧል፡፡

አውሎ ሚድያ ግንቦት 28 / 2013 ዓ.ም 

ወቅታዊ፣ትኩስ እና የተሟሉ መረጃዎችን ለማግኘት፡-

ቴሌግራም፦ https://t.me/awlomedia
ትዊተር፦ https://twitter.com/AwloMedia

ዩትዩብ፦ https://www.youtube.com/channel/UCFRuICCV8fHJGa3AbcA3zOA
ድረ ገጽ፦ https://awlomediatv.com
ፌስቡክ፡- https://www.facebook.com/awlomedia

 

 

መልስ አስቀምጥ

Please enter your comment!
እባክዎ ስምዎን እዚህ ያስገቡ