የአፋር ክልል በትግራይ ክልል ተወስዶብኝ ነበር ያለውን አንድ ቀበሌ “መልሼ ማስተዳደር ጀምሬያለሁ” አለ

0
38

የአፋር ብሔራዊ ክልላዊ መንግስት አሁን በሕዝብ ተወካዮች ምክር ቤት “በሽብርተኝነት” የተፈረጀው ህዝባዊ ወያነ ሓርነት ትግራይ (ህወሓት) የትግራይ ክልልን ያስተዳድር በነበረባቸው ያለፉት ሶስት አስርት ዓመታት “ያለ አግባብ ተወስዶብኝ ነበር” ያለውን አንድ ቀበሌ አሁን በቁጥጥሩ ስር በማድረግ ማስተዳደር መጀመሩን የክልሉ ጸጥታ ዘርፍ ሀላፊ ሻለቃ ኢብራሒም ሑመድ ለዋዜማ ራዲዮ ተናግረዋል።

“ሳውኔ” የምትባለዋ ይህቺ ቀበሌ በአፋር ክልል ዞን ሁለት፣ ዳሎል ወረዳ እና በትግራይ በማዕከላዊ ትግራይ ዞን በሳጺ ጸዓዳ አንባ ወረዳ መካከል የምትገኝ ናት።

ቀበሌዋ አፋርኛም ትግርኛም የሚነገርባት ሲሆን አሁን የአፋር ክልል መንግስት የአስተዳደር መዋቅር ዘርግቶ ማስተዳደር መጀመሩን ሻለቃ ኢብራሒም ተናግረዋል።

ሳውኔ የምትባለው ቀበሌ ሸክ አደም ቡራ እና ካላክ በመባል የሚታወቁ አካባቢዎች ያሉባት ሲሆን አብዛኛው የአካባቢው አየር ሁኔታ ደጋማ የሚባል ነው።

ከ1983 ዓ.ም ጀምሮ እስከ ቅርብ ጊዜ በትግራይ ክልል በማዕከላዊ ዞን በሳጺ ጸዓዳ አንባ ወረዳ ስር ስትተዳደር እንደነበር ነው የተገለጸው።

የቀበሌው ነዋሪዎች በተደጋጋሚ የማንነት ጥያቄ በማንሳት በአፋር ክልል ውስጥ እንተዳደር የሚል ጥያቄ ቢያቀርቡም ምላሽ አለማግኘታቸውን ያነጋግርናቸው የአካባቢው ነዋሪዎች ያስረዳሉ ሲል ዘገባው ያትታል።

የአካባቢው ነዋሪዎች ከሰባት ዓመት በፊት ጥያቄውን ለፌደሬሽን ምክር ቤት አቅርበው እንደነበር የተገለጸው።

በቀበሌው ይነሳ በነበረ የማንነት ጥያቄ ሳቢያም የአካባቢው ነዋሪዎች ከትግራይ ክልል የልማት ሴፍቲኔት : የጤና እና መሰል አገልግሎቶችን በበቂ ሁኔታ እንዳያገኙ አድርጓቸው እንደቆየ ይናገራሉ።።

አካባቢው ወደ አፋር ክልል የተጠቃለለውም ጥቅምት 24 ቀን 2013 አ.ም ትግራይ ክልልን ሲያስተዳድር የነበረው ህዝባዊ ወያነ ሓርነት ትግራይ (ህውሓት) እና በፌደራ መንግስት መካካል ጦርነት ከተጀመረ በኋላ የአፋር ክልል ልዩ ሀይል ከመከላከያ ሰራዊት ጋራ በመሆን የአጸፋ እርምጃ ከወሰዱ በኋላ ነው።

በአሁኑ ወቅት የህወሓት ታጣቂዎች ወደ ቀበሌው አልፎ አልፎ ሰርገው እየገቡ ጥቃት እንደሚፈጽሙ የተነገረ ቢሆንም የክልሉ መንግስትም ጥቃቱን እየተከላከለ መሆኑን የክልሉ ጸጥታ ዘርፍ ሀላፊ ሻለቃ ኢብራሒም ሑመድ ተናግረዋል ሲል ዋዜማ ሬድዮ ዘግቧል፡፡

አውሎ ሚድያ ግንቦት 25 / 2013 ዓ.ም 

ወቅታዊ፣ትኩስ እና የተሟሉ መረጃዎችን ለማግኘት፡-

ቴሌግራም፦ https://t.me/awlomedia
ትዊተር፦ https://twitter.com/AwloMedia

ዩትዩብ፦ https://www.youtube.com/channel/UCFRuICCV8fHJGa3AbcA3zOA
ድረ ገጽ፦ https://awlomediatv.com
ፌስቡክ፡- https://www.facebook.com/awlomedia

መልስ አስቀምጥ

Please enter your comment!
እባክዎ ስምዎን እዚህ ያስገቡ