የአሜሪካ ፖሊሶች “መተንፈስ አልቻልኩም” እያለ በሚሞት ሰው ላይ ሲሳለቁ ታዩ

0
43

በአሜሪካ እስር ቤት አንድ ታራሚን ፖሊሶች መሬት ላይ አስተኝተውት “መተንፈስ መቻል የለብህም” እያለች አንደኛዋ ፖሊስ ስትሳለቅበት እንደነበር የሚያሳይ ቪዲዮ ከሰሞኑ ወጥቷል።

ይህ ቪዲዮ እንደሚያሳየው የ48 አመቱ ዊልያም ጄኔት የተባለ ታራሚ በቴኔሲ ግዛት ማርሻል ካውንቲ እስር ቤት ውስጥ ከኋላ ታስሮና ደረቱ ከመሬት ላይ ተጣብቆ ነው።

“እባካችሁ እርዱኝ” በማለትም የእስር ቤቱን ሰራተኞች ሲማፀን ይሰማል አክሎም በተቆራረጠ ድምፅ ” ሊገሉኝ ነው” ይላል።

ፖሊሶቹ ከጀርባው ተጭነውት የነበረ ሲሆን መተንፈስ አልቻልኩም እያለ ሶስት ጊዜ ሲማፀንም ሊነሱለት አልቻሉም።

እንዲያውም አንደኛዋ ፖሊስ “መተንፈስ መቻል የለብህም” በማለትም አፀያፊ ስድብ ስትሰድበው ይሰማል።

ፖሊሶቹ ላይ በቀረበው ክስ መሰረት የታራሚውንም ድምፅ በማስመሰል “መተንፈስ አልቻልኩም” ብላ የምትሳለቅ ሲሆን ሌላኛው ፖሊስ ደግሞ ሲስቅ ይሰማል።

ለአምስት ደቂቃም ያህል በዚህ መልኩ በደረቱ መሬት ላይ አጣብቀውት ነበር ተብሏል።

አንደኛው ፖሊስ በበኩሉ ታፍኖ ሊሞት ይችላል እንዲተነፍስ እናድርገው ሲል ይሰማል።

ክሱ እንደሚያስረዳው ታራሚውን በጀርባው በሚገለብጡበት ወቅት ፊቱ ወይንጠጅ ቀለም የታየበት ሲሆን ሰውነቱም በድን ሆኖ ነበር።

የታራሚው አስከሬን የምርመራ ውጤት እንደሚያሳየው ግለሰቡ መጠጥና አደንዛኝ ዕፅ በመጠቀም ናውዞ መሞቱንና ከዚህም በተጨማሪ ፖሊሶች በቁጥጥር ስር ለማዋል የተጠቀሙበት መንገድ እንዲያፍነው ማድረጉ ለሞቱ መንስኤዎች ተብለው ተጠቅሰዋል።

በተለይም ታራሚው ከሞተ በኋላ ጥቁር አሜሪካዊውን ጆርጅ ፍⶀይድ መሬት ላይ ደፍቀውና አንገቱ ላይ ተንበርክከው መግደላቸውን ተከትሎ ውዝግብ አስነስቷል።

ይህ ታራሚ ነጭ ሲሆን ልጁም በአባቷ ሞት ፖሊስ ተጠያቂ ነው ስትል ክስ መስርታለች።

በዚህ ክስ ላይ ሰባት ፖሊሶች ኃይልን ያለ አግባብ መጠቀም በሚል ክስ ቀርቦባቸዋል ሲል ቢቢሲ ዘግቧል።

አውሎ ሚድያ ግንቦት 14 / 2013 ዓ.ም

ወቅታዊ፣ትኩስ እና የተሟሉ መረጃዎችን ለማግኘት፡-

ቴሌግራም፦ https://t.me/awlomedia
ትዊተር፦ https://twitter.com/AwloMedia

ዩትዩብ፦ https://www.youtube.com/channel/UCFRuICCV8fHJGa3AbcA3zOA
ድረ ገጽ፦ https://awlomediatv.com
ፌስቡክ፡- https://www.facebook.com/awlomedia

መልስ አስቀምጥ

Please enter your comment!
እባክዎ ስምዎን እዚህ ያስገቡ