የእስራኤል ጦር ወደ ሊባኖስ መድፎችን መተኮሱን አስታውቋል

0
150

የእስራኤል አየር ሀይል በጋዛ ሰርጥ እያካሄደ ያለመውን የአየር ድብደባ በዛሬው እለትም መቀጠሉ ተነግሯል።

በጋዛ እና በእስራኤል ይዞታ ስር በምትገኘው ዌስት ባንክ የሚኖሩ ፍልስጤማውያን የእስራሌልን የአየር ድብደባ በመቃወም በዛሬው እለት የስራ ማቆም አድማ ያደረጉ ሲሆን፤ በርካታ የንግድ ቤቶች መዘጋታቸውም ነው የተነገረው።

የስራ ማቆም አድማው በጋዛ ውስጥ ከሚንቀሰቃሰው ሀማስ እና ፍልስጤምን ከሚያስተዳድረው ፋታህ ድጋፍ አግኝቷል፡፡ አድማው ሁሉንም አይነት ኢኮኖሚያው እንቅስቃሴ እንዲሁም ትምህርት ቤቶችን እስከ መዝጋት የሚደርስ መሆኑም ታውቋል።

የእስራኤል ጦር ከጋዛ ሰርጥ በተጨማሪ ወደ ጎረቤት ሀገር ሊባኖስ መድፎችን መተኮሱንም በዛሬው እለት አስታውቋል።

እስራኤል ወደ ሊባኖስ መድፎችን የተኮሰችው በትናንትናው እለት ከሰሜናዊ ሊባኖስ ወደ እስራኤል ሮኬቶች መተኮሳቸውን ተከትሎ እንደሆነ ተዘግቧል።

በትናትናው እለት ስድስት ሮኬቶች ከሊባኖስ ወደ እስራኤል የተተኮሱ ቢሆንም ድንበር መሻገር እንዳልቻሉ የእስራኤል ጦር አስታውቋል።

ይህንን ተከትሎም እስራኤል የሮኬቶቹ ምንጭ ወደ ሆኑ የሊባኖስ ስፍራዎች በአጸፋው መድፈፍ መተኮሷን ነው ጦሩ ያረጋገጠው።

በሊባኖስ የሚገኘው የተባበሩት መንግስታት ድርጅት ጊዜያዊ ኃይልም ራሻያ አል-ፎክሃር ወደ ተባለ አካባቢ መድፎች መተኮሳቸውን አረጋገጦ፤ ሁሉም ኃይሎች ሰከን እንዲሉ ጥሪ አቅርቧል።

በተያያዘ የአሜሪካው ፕሬዚዳንት ጆ ባይደን ግጭቱ ከተከሰተ ወዲህ በትናትናው እለት ለሶስተኛ ጊዜ ከእስራኤሉ ጠቅላይ ሚኒስትር ቤኒያሚን ኔታንያሁ ጋር በስልክ መወያየታቸው ታውቋል።

በውይይታቸውም በእስራኤል እና በሀማስ መካከል ተኩስ አቁም እንዲደረግ እንደሚፈልጉ እና ለዚህም ድጋፍ እንደሚያደርጉ መግለጻቸው ተነግሯል።

አውሎ ሚድያ ግንቦት 10 / 2013 ዓ.ም

ወቅታዊ፣ትኩስ እና የተሟሉ መረጃዎችን ለማግኘት፡-

ቴሌግራም፦ https://t.me/awlomedia
ትዊተር፦ https://twitter.com/AwloMedia

ዩትዩብ፦ https://www.youtube.com/channel/UCFRuICCV8fHJGa3AbcA3zOA
ድረ ገጽ፦ https://awlomediatv.com
ፌስቡክ፡- https://www.facebook.com/awlomedia

መልስ አስቀምጥ

Please enter your comment!
እባክዎ ስምዎን እዚህ ያስገቡ