የአሜሪካ ዲፕሎማቶች እና የሩሲያ ሲቪል ማህበረሰብ ምርጫውን ይታዘባሉ ተባለ

0
74

አሜሪካ እና የሩሲያ ሲቪል ማህበረሰብን ጨምሮ ሌሎች ዓለም አቀፍ ተቋማት ምርጫ የሚታዘቡ የባለሙያዎች ቡድን ‘እንልካለን’ ማለታቸውን የውጭ ጉዳይ ሚኒስቴር አስታወቀ።

የሚኒስቴሩ ቃል አቀባይ አምባሳደር ዲና ሙፍቲ ኢትዮጵያ በግንቦት ወር በምታካሂደው ምርጫ፣ በህዳሴ ግድብ እና በሌሎችም ተያያዥ ጉዳዮች ላይ ዛሬ መግለጫ ሰጥተዋል።

በመግለጫቸውም ኢትዮጵያ ግንቦት 28 ቀን 2013 ዓ.ም የምታካሂደው ምርጫ “በሀገሪቱ የምርጫ ታሪክ ዴሞክራሲያዊ ይሆናል” ብለዋል።

ምርጫውን ለመታዘብም የተለያዩ ሀገራት እና ዓለም አቀፍ ተቋማት ፍላጎታቸውን እየገለጹ መሆኑንም አምባሳደር ዲና ሙፍቲ በመግለጫቸው ያነሱት።

የአሜሪካ ኤምባሲ እና የብሪቲሽ ኤምባሲ ዲፕሎማቶች፣ የሩሲያ ሲቪል ማህበረሰብ፣ የአፍሪካ ህብረት፣ የምስራቅ አፍሪካ ተጠባባቂ ብርጌድ ቲም፣ መቀመጫቸውን አሜሪካ ያደረጉና ናሽናል ዴሞክራሲ እና ኢሎክቶራል ኢንስቲትዩት ፎር ሰስቴኔብል ዴሞክራሲ ኢን አፍሪካ የተባሉ ተቋማት ምርጫውን ይታዘባሉም ብለዋል።

የአውሮፓ ህብረት ታዛቢዎችን እንደማይልክ ቢያስታውቅም የባለሙያዎች ቡድን እንደሚልክ ማስታወቁንም አምባሳደር ዲና ተናግረዋል፡፡

ቃል አቀባዩ በመግለጫቸው ኢትዮጵያ የህዳሴውን ግድብ በሁለት ዓመታት ውስጥ መሙላት ትችል እንደነበረ ነገር ግን ለሁሉም እንደሚበጅ በማሰብ በረጅም ጊዜ ለማጠናቀቅ እየሰራች መሆኑንም አስታውቀዋል።

“ሱዳን እና ግብጽን በሙሌቱ ላይ ተስማምተን እንፈራረም ብለናቸዋል” ያሉት አምባሳደር ዲና የትኛውም ጫና ዋጋ እንደሌለውም ተናግረዋል።

“የናይል ወንዝ የአፍሪካ ወንዝ ነው፤ ኢትዮጵያም፣ ግብጽም፣ሱዳንም አፍሪካዊ ናቸው” ያሉም ሲሆን ኢትዮጵያ የግድቡ ጉዳይ የአፍሪካ ነው ለዚህም በአፍሪካዊ ማዕቀፍ ሊፈታ ይገባል የሚል አቋም እንዳላትም አስታውቀዋል።

የአውሮፓ ህብረትና አሜሪካ “አሁንም ታዛቢ” መሆናቸውን በማስታወስም ጉዳዩን ዓለም አቀፋዊ ማድረግ ለየትኛውም አካል አይጠቅምም ብለዋል ሲል አል ዐይን ዘግቧል፡፡

አውሎ ሚድያ ሚያዚያ 30 / 2013 ዓ.ም

ወቅታዊ፣ትኩስ እና የተሟሉ መረጃዎችን ለማግኘት፡-

ቴሌግራም፦ https://t.me/awlomedia
ትዊተር፦ https://twitter.com/AwloMedia

ዩትዩብ፦ https://www.youtube.com/channel/UCFRuICCV8fHJGa3AbcA3zOA
ድረ ገጽ፦ https://awlomediatv.com
ፌስቡክ፡- https://www.facebook.com/awlomedia

መልስ አስቀምጥ

Please enter your comment!
እባክዎ ስምዎን እዚህ ያስገቡ