የፌደራል የመጀመሪያ ደረጃ ፍርድ ቤት የአቶ ልደቱ አያሌውን የጉዞ እግድ ሻረ

0
190

የፌደራል የመጀመሪያ ደረጃ ፍርድ ቤት አቶ ልደቱ አያሌው ከሀገር እንዳይወጡ በፖሊስ የተላለፈውና በፍርድ ቤት ጸንቶ የነበረውን እግድ ሻረ። ፍርድ ቤቱ እግዱን ዛሬ ሐሙስ የሻረው ከፌደራል ፖሊስ እና ከኦሮሚያ ፖሊስ ኮሚሽኖች የቀረበሉትን ምላሾች ከመረመረ በኋላ ነው።

አቶ ልደቱ ባለፈው ሚያዝያ 8፤ 2013 ለፌደራል የመጀመሪያ ደረጃ ፍርድ ቤት አራዳ ምድብ ችሎት አንደኛ የጊዜ ቀጠሮ ችሎት ባቀረቡት አቤቱታ፤ ከሀገር እንዳይወጡ ተብሎ የተላለፈው እግድ እንዲነሳላቸው እና ወደ ውጭ ሀገር ተጉዘው ህክምናቸውን ለመከታተል ጥያቄ አቅርበው ነበር። ጉዳዩን የተመለከተው ችሎቱ፤ እግዱን ያስተላለፈው የፌደራል ፖሊስ ኮሚሽን ምላሹን በጹሁፍ እንዲያቀርብ ከዚህ ቀደም በነበረ ችሎት ትዕዛዝ ሰጥቷል። 

ትዕዛዙን ተከትሎ የፌደራል ፖሊስ ኮሚሽን አቶ ልደቱ ከሀገር እንዳይወጡ የታገዱበትን ምክንያት ያብራራበትን ምክንያት ለፍርድ ቤቱ በደብዳቤ አስገብቷል። ለፍርድ ቤቱ በተላከው ምላሽ ላይ የኦሮሚያ ፖሊስ ኮሚሽን ደብዳቤም ተያይዞ ቀርቧል።

የሁለቱን ፖሊስ ኮሚሽኖች ምላሽ የመረመረው ፍርድ ቤቱ ዛሬ ሐሙስ ሚያዝያ 21 በዋለው ችሎቱ፤ የጉዞ እግዱን ሽሯል። ፍርድ ቤቱ እግዱን በዋነኛነት ውድቅ ያደረገው ሁለት ምክንያቶችን በመጥቀስ ነው። 

የመጀመሪያው ምክንያት፤ ፖሊስ በደብዳቤው የጠቀሳቸው አቶ ልደቱ ተከስሰውባቸው በነበሩባቸው ሁለት የወንጀል ጉዳዮች ነጻ መባላቸው ነው። ተከሳሹ በኦሮሚያ ክልል በቀረቡባቸው ሁለት ክሶች ነጻ መባላቸውን ያስታወሰው ፍርድ ቤቱ፤ ከዚያ በኋላ የጉዞ እግዱ ጸንቶ የሚቆይበት ምክንያት አይኖርም ብሏል። 

RSS Error: WP HTTP Error: cURL error 28: Operation timed out after 10001 milliseconds with 0 bytes received

አቶ ልደቱ በአቤቱታቸው የጠቀሱትን የልብ ህመም በሁለተኛ ምክንያትነት ያነሳው ፍርድ ቤቱ፤ አቤት ባዩ ወደ አሜሪካ ሀገር ሄደው ባይታከሙ ሊፈጠር የሚችለውን ችግር ዳስሷል። ይህ ሁኔታም አቶ ልደቱ በህገ መንግስቱ የተሰጣቸውን በህይወት የመኖር መብት የሚጥስ እንደሆነም ጠቅሷል። 

ፖሊስ በአቶ ልደቱ ላይ ያወጣው የጉዞ እግድም የግለሰቡን እንደ ልብ የመንቀሳቀስ ህገ መንግስታዊ መብት የሚገድብ መሆኑንም ፍርድ ቤቱ በተጨማሪነት አንስቷል። በእነዚህ ዋነኛ ምክንያቶችም የጉዞ እግዱ እንዲሻር የፌደራል የመጀመሪያ ደረጃ ፍርድ ቤት በዛሬው የችሎት ውሎው ወስኗል ሲል ኢትዮጵያ ኢንሳይደር ዘግቧታል።

አውሎ ሚድያ ሚያዚያ 21 ዜና / 2013 ዓ.ም

ወቅታዊ፣ትኩስ እና የተሟሉ መረጃዎችን ለማግኘት፡-

ቴሌግራም፦ https://t.me/awlomedia
ትዊተር፦ https://twitter.com/AwloMedia

ዩትዩብ፦ https://www.youtube.com/channel/UCFRuICCV8fHJGa3AbcA3zOA
ድረ ገጽ፦ https://awlomediatv.com
ፌስቡክ፡- https://www.facebook.com/awlomedia

መልስ አስቀምጥ

Please enter your comment!
እባክዎ ስምዎን እዚህ ያስገቡ