አዲግራት እና አክሱምን የሚያገናኘው መንገድ በመዘጋቱ የህክምና ስራዎቹ መስተጓጎላቸውን ድንበር የለሽ የሐኪሞች ቡድን አስታወቀ

0
315

በትግራይ ክልል አዲግራት እና አክሱም ከተሞችን የሚያገናኘው መንገድ ላለፉት 12 ቀናት በመዘጋቱ፤ የነፍስ አድን የህክምና ስራዎቹ መስተጓጎላቸውን ድንበር የለሽ የሐኪሞች ቡድን (MSF) አስታወቀ።

ድርጅቱ በአክሱም ድጋፍ ለሚያቀርብላቸው የሕክምና ተቋማት ቁልፍ አቅርቦቶች ለመላክ መቸገሩን ገልጿል።

የድርጅቱ የምሥራቅ አፍሪካ ቢሮ ትላንት በትዊተር ገጹ ባሰራጨው መረጃ መሰረት፤ የድንበር የለሽ የሐኪሞች ቡድን በሚደግፋቸው ሆስፒታሎች 27 ህሙማን የኦክስጅን ሕክምና ይፈልጋሉ። እነዚሁ ሆስፒታሎች በየዕለቱ ኦክስጅን የሚያስፈልጋቸው ሰባት የቀዶ ሕክምና ያካሂዳሉ።

“አቅርቦቶቻችን እየተጠናቀቁ ነው። ምንም ነገር ካልተለወጠ በሶስት ቀናት እንጨርሳለን” ያለው የግብረ ሰናይ ድርጅቱ፤ “በአክሱም በመድኃኒቶች እጦት ሳቢያ ከቀዶ ህክምና በኋላ የሕመም ማስታገሻ መስጠት አልቻልንም” በማለት አክሏል።

ድርጅቱ እንደሚለው፤ በርካታ የተጎዱ ሰዎች በሚኖሩበትና የድንገተኛ እርዳታ በሚፈለግበት ጊዜ ሆስፒታሉ ህሙማንን በቅጡ ለማከም ይቸገራል። አክሱም እና ዓዲግራትን የሚያገናኘው፤ 135 ኪሎ ሜትር ገደማ ርዝመት ያለው አውራ ጎዳና ከአንድ ሳምንት በላይ ተዘግቶ መቆየቱ ደግሞ የህክምና ተቋማት ስራዎች ላይ ይበልጡኑ ጋሬጣ እንደሚያስከትል ጠቁሟል።

“በመንገዱ መዘጋት ምክንያት ከአክሱም ውጪ ባሉ ገጠራማ አካባቢዎች ግልጋሎት የሚሰጡ ተንቀሳቃሽ ክሊኒኮች ስራ ተስተጓጉሏል። የክትባት መርሐ ግብሮች ተቋርጠዋል” ብሏል ድንበር የለሽ የሐኪሞች ቡድኑ።

በአክሱም 127 የተመጣጠነ ምግብ እጥረት ያለባቸው ህፃናት መኖራቸውን የገለጸው ቡድኑ፤ ለጤንነታቸው ክብካቤ አስፈላጊ የሆኑ የበለጸጉ ምግቦች በዚህ ሳምንት እንዳልተከማቹ አስታውቋል።

የትግራይ እና የኢትዮጵያ “የፖለቲካ እና ወታደራዊ ባለሥልጣናት አስፈላጊ አቅርቦቶች ከአዲግራት ወደ አክሱም እንዲጓጓዙ በአፋጣኝ እንዲፈቅዱ” የጠየቀው የግብረ ሰናይ ድርጅቱ፤ “ህይወታቸውን ለማዳን የህክምና ዕገዛ የሚፈልጉ ህሙማን ጊዜው እያለፈባቸው ነው” ሲል የሁኔታውን አሳሳቢነት አጽንኦት ሰጥቷል ሲል ኢትዮጵያ ኢንሳይደር ዘግቧታል፡፡

አውሎ ሚድያ ሚያዚያ 14 ዜና / 2013 ዓ.ም

ወቅታዊ፣ትኩስ እና የተሟሉ መረጃዎችን ለማግኘት፡-

ቴሌግራም፦ https://t.me/awlomedia
ትዊተር፦ https://twitter.com/AwloMedia

ዩትዩብ፦ https://www.youtube.com/channel/UCFRuICCV8fHJGa3AbcA3zOA
ድረ ገጽ፦ https://awlomediatv.com
ፌስቡክ፡- https://www.facebook.com/awlomedia

መልስ አስቀምጥ

Please enter your comment!
እባክዎ ስምዎን እዚህ ያስገቡ