ለሰባት ቀናት የሚዘልቅ ሀገር አቀፍ የጸሎትና የምሕላ መርሃ ግብር ሊካሄድ ነዉ ተባለ

0
313

የሀገር አቀፍ የጸሎትና የምሕላ መርሃ ግብር ለተከታታይ ሰባት ቀናት ይካሂዳል ተባለ፡፡

የጸሎትና ምህላ መርሀ-ግብሩ የተዘጋጀዉ በሃገሪቱ እየታዬ ያለዉን የፖለቲካ ዉጥረትና የኮሮና ቫይረስ ወረርሽኝ መባባስን ተከትሎ ነዉ ተብሏል፡፡

ሀገር አቀፍ የጸሎትና የምሕላ መርሃ ግብሩም ከሚያዚያ 7/2013 ዓ.ም ጀምሮ እንደሚካሄድ ታዉቋል፡፡

የኢትዮጵያ ሃይማኖት ተቋማት ጉባኤ ጠቅላይ ሰብሳቢ ሊቀ ትጉሃን ቀሲስ ታጋይ ታደለ እንዳሉት፣ ለ7 ቀን የሚዘልቀው የጋራ የጸሎትና ምሕላ መርሀ ግብር የሚካሄደዉ አሁን እንደ ሀገር እምነትንና ብሔርን መሰረት በማድረግ እየገጠመ ያለውን ጥቃት ወደ ፈጣሪ ለማሳሰብም ጭምር ነዉ፡፡

እንዲሁም ሊቀ ትጉሀኑ እንዳሉት ከፊታችን ወር ሊካሄድ ዝግጅት ላይ ያለዉ ምርጫ በሰላማዊ መንገድ ተካሂዶ እንዲጠናቀቅ ጸሎትና ምህላ መርሀ ግብሩ ታሳቢ ያደርጋል፡፡

በምሕላ ጸሎት መርሃ ግብሩ በሚኖረው የትምህርት መርሃ ግብር እንደ እስካሁኑ ቤተ እምነቶቹ በፈለጉት ሳይሆን ርዕሰ ጉዳይ ተመርጦ ለሁሉም በተመሳሳይ ይሰጣቸዋል ነዉ የተባለዉ።

በዚህም መሰረት ዓርብ ስለ ንስሃና መጸጸት፣ ቅዳሜ ሥለ ይቅርታና እርቅ፣ እሁድ ሥለ ርሕራሔና እዝነት፣ ሰኞ ሥለ ተስፋ፣ ማክሰኞ ሥለ እምነት፣ ረቡዕ ሥለ ፍቅር፣ ሐሙስ ሥለ ምስጋና ትምህርት እንዲሰጥ ይደረጋል ተብሏል፡፡

አውሎ ሚድያ ሚያዚያ 05 ዜና / 2013 ዓ.ም

ወቅታዊ፣ትኩስ እና የተሟሉ መረጃዎችን ለማግኘት፡-

ቴሌግራም፦ https://t.me/awlomedia
ትዊተር፦ https://twitter.com/AwloMedia

ዩትዩብ፦ https://www.youtube.com/channel/UCFRuICCV8fHJGa3AbcA3zOA
ድረ ገጽ፦ https://awlomediatv.com/category/zena/
ፌስቡክ፡- https://www.facebook.com/awlomedia

መልስ አስቀምጥ

Please enter your comment!
እባክዎ ስምዎን እዚህ ያስገቡ