የህዳሴዉ ግድብን በተመለከተ ወታደራዊ አማራጭ ቦታ የለዉም-ሱዳን

0
317

በህዳሴዉ ግድብ ላይ ያሉ አለመግባባቶች መፍትሄ ሊያገኙ የሚችሉት በሚደረጉ ፖለቲካዊ ዉይይቶች መሆኑን ሱዳን እንደምታምን የሃገሪቱ የዉጭ ጉዳይ ሚንስትር ተናግረዋል፡፡

ሚንስትሯ መርያም አል-ሳድቅ አል-ማህዲ እንዳሉት፣ የኢትዮጵያ ህዳሴ ግድብን በተመለከተ ያሉ አለመግባባቶች መፍትሄ ሊያገኙ የሚችሉት በፖለቲካዊ ጉዳዮች መሆኑን ጠቁመዋል፡፡

ከዚህ ዉጭ ግን ወታደራዊ አማራጭ ምንም ቦታ እንደሌለዉ ተናግረዋል፡፡

ሚንስትሯ በኳታር ዶሃ ጉብኝት እያደረጉ በነበሩበት ወቅት፣ የህዳሴ ግድቡን በተመለከተ ግብጽና ሱዳን ጥቅማችንን ይጎዳል የሚል ስጋት እንዳለባቸዉ ያነሳሉ፤ ወታደራዊ አማራጮች ሊኖሩ ይችላሉ ወይ? በሚል ለቀረበላቸዉ ጥያቄ ሚንስትሯ ሲመልሱ፣ በፍጹም ወታደራዊ አማራጭ ቦታ የለዉም፤ መፍትሄ ሊሆንም አይችልም ብለዋል፡፡

ከዚህ ይልቅ የዓለም አቀፋ ማህበረሰብ በተለይም ደግሞ የአፍሪካ ሀገራት በጉዳዩ ላይ ትኩረት ሰጥተዉ ለመፍትሄዉ እንዲተጉ እናደርጋለን ሲሉ ተደምጠዋል ሚንስትሯ፡፡

ቀደም ሲል የሱዳን የዉሃና መስኖ ሚንስቴር ሱዳን ጉዳዩን እስከ ተባበሩት መንግስታት ድርጅት የጸጥታዉ ምክር ቤት ድረስ ልትወስደዉ እንደምትችል ተናግረዉ እንደነበር ዘገባዉ አስታዉሷል፡፡

ይሁንና የሃገሪቱ የዉጭ ጉዳይ ሚነስትር አሁን ላይ ጉዳዩን ጎረቤቶቻችን የአፍሪካ ሀገራት ትኩረት እንዲሰጡት እናደርጋለን ማለታቸዉ ተሰምቷል፡፡

ኢትዮጵያ በተደጋጋሚ ፍትሃዊ የሆነ ተጠቃሚነትን ባረጋገጠ መልኩ  ዉይይቶችን ለማድረግ ዝግጁ መሆኗን ስትገልጽ ቆይታለች፡፡

አሁንም በዚህ አቋሟ እንደጸናች ናት፡፡

የሁለተኛዉ ዙር የዉሃ ሙሌትንም ለማከናወን ምንም የሚያግዳት ሃይል እንደሌለ መግለጿም የሚታወስ ነዉ፡፡

ኤ ኤፍ ፒ እና አህራም ኦንላይን

አውሎ ሚድያ ሚያዚያ 01 ዜና / 2013 ዓ.ም

ወቅታዊ፣ትኩስ እና የተሟሉ መረጃዎችን ለማግኘት፡-

ቴሌግራም፦ https://t.me/awlomedia
ትዊተር፦ https://twitter.com/AwloMedia

ዩትዩብ፦ https://www.youtube.com/channel/UCFRuICCV8fHJGa3AbcA3zOA
ድረ ገጽ፦ https://awlomediatv.com/category/zena/
ፌስቡክ፡- https://www.facebook.com/awlomedia

መልስ አስቀምጥ

Please enter your comment!
እባክዎ ስምዎን እዚህ ያስገቡ