በመዲናዋ በከባድ ወንጀሎች ላይ ተሰማርተው የነበሩ 34 ግለሰቦች በቁጥጥር ስር ዋሉ

0
226

በአዲስ አበባ ከተማ በከባድ ወንጀሎች ላይ ተሰማርተው የነበሩ 34 ግለሰቦችን በቁጥጥር ስር ማዋሉን የአዲስ አበባ ፖሊስ ኮሚሽን አስታወቀ።

በከባድ ወንጀሎች ላይ ተሰማርተው የተገኙት ተጠርጣሪዎቹ በቡድን በጦር መሳሪያ በመታገዝ ትላልቅ ተቋማትንና ድርጅቶችን ሲዘርፉና የድብደባ ወንጀል ሲፈጽሙ የነበሩ መሆናቸውን ጠቁመዋል።

በተደራጀ መንገድ በዘረፋ ተግባር የተሰማሩት ተጠርጣሪዎቹ ውድ እቃዎችና ገንዘብ ያለበትን የሚያጠና፣ ጊዜና ቦታ አመቻችቶ የሚዘርፍና የዘረፈውን የሚሸጥ ሶስት ቡድን እንዳላቸው ደርሰንበታል ነው ያሉት።

የአዲስ አበባ ፖሊስ ኮሚሽነር ጌቱ አርጋው በበኩላቸው ከተማዋ የደህንነት ስጋት እንዳለባት በማስመሰል የሀሰት መረጃ የሚያሰራጩ ሚዲያዎችና ማኅበራዊ አንቂዎች ከድርጊታቸው እንዲቆጠቡ አሳስበዋል።

ይህን ተላልፈው ከተገኙ ሕጋዊ እርምጃ እንወስዳለንም ብለዋል።

ከለውጡ በኋላ የሚካሄደው 6ኛው ጠቅላላ ምርጫ በሠላም እንዲጠናቀቅ ከ4 ሺህ 180 በላይ አዲስ ምልምል ፖሊሶች ኮሚሽኑን መቀላቀላቸውን በመግለፅ በቂ ዝግጅት መደረጉን ነው የጠቀሱት፡፡

በመዲናዋ የውጭ አገር ዜግነት ያላቸው ግለሰቦች በሕገ ወጥ የገንዘብ ዝውውርና ማጭበርበር ወንጀሎች መሰማራታቸውን ደርሰንበታል ያሉት ኮሚሽነር ጌቱ ለፍርድ ቀርበው በማረሚያ ቤት የሚገኙ መኖራቸውን አረጋግጠዋል።

በቀጣይም በተመሳሳይ የወንጀል ድርጊት እንዳይሳተፉ ለመከላከል በሚያርፉባቸው ሆቴሎችና እንቅስቃሴ በሚያደርጉባቸው አካባቢዎች የፖሊስ ቁጥጥር እየተደረገ መሆኑን ገልጸዋል።

የኮቪድ-19 ወረርሽኝን በመከላከል ረገድ የኅብረተሰቡ መዘናጋት ‘አሳስቦኛል’ ያለው የአዲስ አበባ ፖሊስ ኮሚሽን የኮቪድ-19 ፕሮቶኮልን በማይተገብሩ ግለሰቦች ላይም እርምጃ እወስዳለሁ ማለቱን ኢዜአ ዘግቧል፡፡

አውሎ ሚድያ መጋቢት 30 ዜና / 2013 ዓ.ም

ወቅታዊ፣ትኩስ እና የተሟሉ መረጃዎችን ለማግኘት፡-

ቴሌግራም፦ https://t.me/awlomedia
ትዊተር፦ https://twitter.com/AwloMedia

ዩትዩብ፦ https://www.youtube.com/channel/UCFRuICCV8fHJGa3AbcA3zOA
ድረ ገጽ፦ https://awlomediatv.com/category/zena/
ፌስቡክ፡- https://www.facebook.com/awlomedia

መልስ አስቀምጥ

Please enter your comment!
እባክዎ ስምዎን እዚህ ያስገቡ