በአዲስ አበባ ቦሌ ክፍለ ከተማ ትናንት ምሽት በደረሰ የእሳት አደጋ በ12 መኖሪያ ቤቶች ላይ ጉዳት ደረሰ

0
318

በአዲስ አበባ ቦሌ ክፍለ ከተማ ትናንት ማምሻውን በደረሰ የእሳት አደጋ በ12 መኖሪያ ቤቶች ላይ ጉዳት ሲደርስ 3 ሚሊዮን ብር የሚገመት ንብረት መውደሙን የከተማዋ የእሳትና የአደጋ ስጋት ስራ አመራር ኮሚሽን አስታወቀ።

የኮሚሽኑ የሕዝብ ግንኙነት ቡድን መሪ አቶ ጉልላት ጌታነህ ለኢዜአ እንደገለጹት፤ ገርጂ መብራት ኃይል አካባቢ ትናንት ምሽት አንድ ሰአት ገደማ ላይ የተነሳ የእሳት አደጋ ከወደመው ንብረት በተጨማሪ የመቁሰል አደጋ የደረሰባቸው አምስት ሰዎች የሕክምና ክትትል እየተደረገላቸው መሆኑን አቶ ጉልላት ገልጸዋል።

አደጋውን ለመቆጣጠር 45 ደቂቃ የፈጀ ሲሆን፣ 36 የአደጋ ጊዜ ሰራተኞች፣ አምስት የድንገተኛ አደጋ ተሽከርካሪዎችና ሁለት አምቡላንሶች እሳቱን ለማጥፋት ተሰማርተው እንደነበር ተናግረዋል።

የእሳት አደጋ ሰራተኞች፣ ፖሊስና የአካባቢው ማህበረሰብ ባደረገው ርብርብ 12 ሚሊዮን ብር የሚገመት ንብረት ከውድመት መዳኑንም አቶ ጉልላት ተናግረዋል።

በቀጣይም ሕብረተሰቡ የእሳትና ድንገተኛ አደጋ እንዳይከሰት አስፈላጊውን ሁሉ ጥንቃቄ እንዲያደርግ አሳስበዋል።

አውሎ ሚድያ መጋቢት 23/ 2013 ዓ.ም

ወቅታዊ፣ትኩስ እና የተሟሉ መረጃዎችን ለማግኘት፡-

ቴሌግራም፦ https://t.me/awlomedia
ትዊተር፦ https://twitter.com/AwloMedia

ዩትዩብ፦ https://www.youtube.com/channel/UCFRuICCV8fHJGa3AbcA3zOA
ድረ ገጽ፦ https://awlomediatv.com/category/zena/
ፌስቡክ፡- https://www.facebook.com/awlomedia

መልስ አስቀምጥ

Please enter your comment!
እባክዎ ስምዎን እዚህ ያስገቡ