የእነ ልደቱ አያሌው አብሮነት የአምንስቲ ኢንተርናሽናል ሪፖርት ልዩ ትኩረት ያሻዋል አለ

0
117

አብሮነት ለኢትዮጵያ ፌዴራላዊ አንድነት (አብሮነት) ባወጣው  መግለጫ ነው ይህን  ያለው ፡፡

አብሮነት ለኢትዮጵያ ፌዴራላዊ አንድነት (አብሮነት) በአሁኑ ወቅት በስልጣን ላይ የሚገኘው መንግስት በአገሪቱ ሰላምና የህግ የበላይነት ማስከበር እንዳልቻለና በዚህም ምክንያት የዜጎች ሰብዓዊና ፖለቲካዊ መብቶች በከፍተኛ ደረጃ እየተጣሱ እንደሚገኙ በተደጋጋሚ መግለፁ ይታወሳል ያለው ፓርቲው ፤  በቅርቡ የወጣው የኢትዮጵያ ሰብዓዊ መብቶች ኮሚሽንም ሆነ ሰሞኑን በአምንስቲ ኢንተርናሽናል የወጣው አስደንጋጭ ሪፖርት ይህንኑ ዕውነታ በከፍተኛ ደረጃ የሚያጠናክር ሆኖ አግኝተነዋልም ብልዋል፡፡

በስልጣን ላይ የሚገኘው መንግስት እነዚህ ሁለት የሰብዓዊ መብት ድርጅቶች ለአወጧቸው መግለጫዎች ተገቢውን ትኩረት በመስጠት ማጣራትና የዕርምት ዕርምጃ ለመውሰድ ከመጣር ይልቅ ባለፈው 27 ዓመት ሲሆን እንደታየው ሪፖርቶቹን በጭፍን ማጣጣል እና ማውገዝን ሲመርጥ ታይቷል ብሏል፡፡

 ይህ የሚያሳየን ከአሁን ቀደም ደጋግመን ለመግለፅ እንደሞከርነው የወቅቱ መንግስት በይዘት ካለፈው የ27 ዓመት ስርዓት ያልተለየና አካሂደዋለው የሚለው የለውጥ ሂደትም የከሸፈ መሆኑን ነው፡፡

ይህ ሁኔታ ተገቢ ትኩረት ሳይሰጠውና አስተማማኝ የዕርምት እርምጃ ሳይወሰድ የሚቀጥል ከሆነ አገራችን በአጭር ጊዜ ውስጥ ወደ ከፋ የፖለቲካ ቀውስ ልትገባ ትችላለች የሚል ስጋት አለን ያለ ሲሆን፡፡

አክሎም መንግስት በእነዚህ ሁለት የሰብዓዊ መብት ድርጅቶች የቀረበውን ሪፖርት በአስቸኳይ የሚያጣራ ገለልተኛ ኮሚሽን እንዲያቋቁም፣ ገለልተኛ ኮሚሽኑ የሚደርስበትን ውጤት መሰረት አድርጎም ተገቢውን የዕርምት ዕርምጃ እንዲወስድ፣ በዜጎች ላይ ወንጀል የፈፀሙ ግለሰቦችና ተቋማትም በህግ ተጠያቂ እንዲሆኑና የማጣራት ሂደቱንም ለህዝብ በግልፅና በይፋ እንዲያሳውቅ አብሮነት በአፅንኦት ይጠይቃል ሲል አሳስቧል፡፡

አዉሎ ሚዲያ ግንቦት 25/2012 ዓ.ም

መልስ አስቀምጥ

Please enter your comment!
እባክዎ ስምዎን እዚህ ያስገቡ