ተጨማሪ 85 ሰዎች የኮሮና ቫይረስ ተገኘባቸው የ 1 ሰው ህይወትም አልፏል

0
104

በኢትዮጵያ ባለፉት 24 ሰዓት በተደረገ 2926-የላቦራቶሪ ምርመራ ተጨማሪ 85 ሰዎች የኮሮና ቫይረስ እንደተገኘባቸውና የ 1ሰው ህይወት እንዳለፈ የጤና ሚኒስትር ዶክተር ሊያ ታደሰ አስታወቁ።

በዚህም እስካሁን በሀገሪቱ ቫይረሱ የተገኘባቸው ሰዎች ቁጥር 1257 ደርሷል።

ሚኒስትሯ እንደገለፁት ቫይረሱ እንደተገኘባቸው የተረጋገጠው እድሜያቸው ከ 1 ወር እስከ 65 ዓመት ነው፡፡

ቫይረሱ በምርመራ የተገኘባቸው 51 ወንድና 34 ሴቶች ሲሆኑ ሁሉም ኢትዮጵያውያን ናቸው።

ቫይረሱ የተገኘባቸው ሰዎች 72 ሰዎች ከአዲስ አበባ ሲሆኑ፣4 ሰዎች ከትግራይ ክልል፤ 5 ኦሮሚያ ክልል፣ 1 ሰው ከአማራ ክልልና 3 ሰዎች ከሶማሌ ክልል ናቸው ብለዋል ሚኒስትሯ፡፡

በዚህም መሰረት ዛሬ ቫይረሱ የተገኘባቸው 19 ሰዎች የውጭ ሀገር ጉዞ ታሪክ ያላቸው፣ በበሽታው ከተያዘ ሰው ጋር የታወቀ ግንኙነት ያላቸው 18 እንዲሁም 48 ሰዎች ደግሞ የውጭ ሀገር ጉዞ ታሪክም ሆነ በበሽታው ከተያዘ ሰው ጋር የታወቀ ግንኙነት የሌላቸው መሆናቸውን ዶክተር ሊያ ተናግረዋል፡፡

በዛሬው እለት የ30 ዓመት ዕድሜ ያለው የ1 ኢትዮጵያዊ ሕይወት ያለፈ ሲሆን በአጠቃላይ የሟቾች ቁጥር 12 ደርሷል፡፡የጤና ሚኒስቴር በህልፈተ የተሰማውን ሀዘን እየገለጸ ለቤተሰቦቹ መፅናናትን ተመኝቷል፡፡

በአጠቃላይ ቫይረሱ ተገኝቶባቸው በለይቶ ህክምና ውስጥ ያሉ ሰዎች 1026 ናቸው።

በሌላ በኩል ተጨማሪ 8 ሰዎች ከበሽታው ያገገሙ ሲሆን በአጠቃላይ 217 ሰዎች ከበሽታው አገግመዋል።

አራት ሰዎች በጽኑ ህክምና ክፍል ክትትል እየተደረገላቸው መሆኑም ታውቋል።

እስካሁን በኢትዮጵያ አጠቃላይ 112 ሺህ 377 የላቦራቶሪ ምርመራ ተከናውኗል።

አዉሎ ሚዲያ ግንቦት 24/2012 ዓ.ም

መልስ አስቀምጥ

Please enter your comment!
እባክዎ ስምዎን እዚህ ያስገቡ