109 ሰዎች የኮሮና ቫይረስ ተገኘባቸው፤ የ 3 ሰዎች ሕይወት አልፏል

0
71

በኢትዮጵያ ባለፉት 24 ሰዓት በተደረገ 2836 የላቦራቶሪ ምርመራ ተጨማሪ 109 ሰዎች የኮሮና ቫይረስ እንደተገኘባቸውና የሶስት ሰው ህይወት ማለፉን የጤና ሚኒስትር ዶክተር ሊያ ታደሰ አስታወቁ።በዚህም እስካሁን በሀገሪቱ ቫይረሱ የተገኘባቸው ሰዎች ቁጥር 1172 ደርሷል።

ሚኒስትሯ እንደገለፁት ቫይረሱ እንደተገኘባቸው የተረጋገጠው እድሜያቸው ከ5 እስከ 70 ዓመት ነው፡፡በምርመራ ከተረጋገጠው 61 ወንድና 48 ሴቶች ሲሆኑ ሁሉም ኢትዮጵያውያን ናቸው።

ቫይረሱ የተገኘባቸው ሰዎች 99 ሰዎች ከአዲስ አበባ ሲሆኑ፣2 ሰዎች ከትግራይ ክልል፤5 ኦሮሚያ ክልል እና 3 ሰዎች ከሐረሪ ክልል ናቸው፡፡በዚህም መሰረት ዛሬ ቫይረሱ የተገኘባቸው ሰዎች 2 የውጭ ሀገር ጉዞ ታሪክ ያላቸው፣ 5 በበሽታው ከተያዘ ሰው ጋር የታወቀ ግንኙነት ያላቸው 13 እንዲሁም 94 ሰዎች ደግሞ የውጭ ሀገር ጉዞ ታሪክም ሆነ በበሽታው ከተያዘ ሰው ጋር የታወቀ ግንኙነት የሌላቸው መሆናቸውን ዶክተር ሊያ ተናግረዋል፡፡በዛሬው እለት የሶስት ኢትዮጵያውያን ሕይወት ማለፉም ታውቋል፡፡

በአጠቃላይ የሟቾች ቁጥር 11 ደርሷል፡፡በአጠቃላይ ቫይረሱ ተገኝቶባቸው በለይቶ ህክምና ውስጥ ያሉ ሰዎች 950 ናቸው።ተጨማሪ 1 ሰው ከበሽታው ያገገሙ ሲሆን በአጠቃላይ 209 ሰዎች ከበሽታው አገግመዋል።አራት ሰዎች ሰው በጽኑ ህክምና ክፍል ክትትል እየተደረገላቸው መሆኑም ታውቋል።እስካሁን በኢትዮጵያ አጠቃላይ 109 ሺህ 451 የላቦራቶሪ ምርመራ ተከናውኗል።

አዉሎ ሚዲያ ግንቦት 23/2012 ዓ.ም

መልስ አስቀምጥ

Please enter your comment!
እባክዎ ስምዎን እዚህ ያስገቡ