ክትትል ሲደረግላቸው ቆይተው የኮሮና ቫይረስ በሽታ ምልክት ያልታየባቸው 2,090 ሰዎች ክትትላቸው እንዲረቋጥ ተደረገ- የኢትዮጵያ ሕብረተሰብ ጤና ኢንስቲትዩት

0
130

ኢንስቲትዩቱ ከውጭ ወደ ሀገር የገቡ 636 መንገደኞች ተለይቶ እንዲቆይ በተወሰነው መሰረት እስካሁን ለ14 ቀናት ለይቶ ማቆያ ውስጥ ይገኛሉ ነው ያለው፡፡
መንገደኞቹ ባሉባቸው ሁሉም ሆቴሎች የጤና ባለሙያዎችን በመመደብ የጤና ክትትል እየተደረገላቸው ይገኛል፡፡
በሌላ በኩል ከላይ የተገለፀው ውሳኔ ከመተላለፉ በፊት ከተለያዩ ሀገራት ወደ ሀገር የገቡ 873 ሰዎች በቤታቸው ሆነው በስልክ ለ14 ቀን በጤና ባለሙያዎች የጤና ክትትል እየተደረገላቸው ይገኛል፡፡
ባለፉት 24 ሰዓት ውስጥ ይህ መረጃ እስከተጠናከረበት ሰዓት ድረስ የኮሮና ቫይረስ በሽታ ምልክት ያሳዩ ሰባ ዘጠኝ (79) ሰዎች የላብራቶሪ ምርመራ የተደረገላቸው ሲሆን ሁሉም ከቫይረሱ ነፃ መሆናቸው ተረጋግጧል፡፡
የኮሮና ቫይረስ ከተገኘባቸውና የሕክምና ክትትል እየተደረገላቸው ከሚገኙ ታማሚዎች ውስጥ አንድ (1) ታማሚ በድጋሚ በተደረገላቸው የላብራቶሪ ምርመራ ከኮሮና ቫይረስ ያገገሙ መሆናቸው የተረጋገጠ ቢሆንም ለጥንቃቄ ሲባል በለይቶ ማቆያ ለ14 ቀናት ተጨማሪ የህክምና ክትትል እየተደረገላቸው የሚቆዩ ይሆናል፡፡
ለተጨማሪ መረጃ በነፃ የስልክ መስመር 8335 ወይም 952 ፤ በመደበኛየስልክ ቁጥር 0118276796 ወይም በኢሜልአድራሻችን ephieoc@gmail.com በመጠቀም ማግኘት ይቻላል፡፡
የኢትዮጵያ የሕብረተሰብ ጤና ኢንስቲትዩት


አዉሎ ሚድያ መጋቢት 19/2012 ዓ.ም

መልስ አስቀምጥ

Please enter your comment!
እባክዎ ስምዎን እዚህ ያስገቡ