“ይህን የመሰለ ከባድ የእናቶች ሁለተኛ የምጥ ሰዓት ላይ እንዴት አስችሎዎት ዝም አሉ?” ታማኝ በየነ ለጠቅላይ ሚኒስትር አብይ አህመድ ጥያቄ አቅርበዋል፡፡

0
143

አርቲስትና አክቲቪስት ታማኝ በየነ የታገቱ ተማሪዎችን በተለመከተ ግልጽ መረጃ እንዲሰጥ ጠየቁ፡፡

በደምቢ ዶሎ ዩኒቨርሲቲ ሲማሩ የነበሩ የታገቱ የአማራ ተወላጅ ተማሪዎች በፍጥነት እንዲለቀቁ፣ ስለድርጊቱም ግልጽ መረጃዎች እንዲሰጡ ጥያቄዎች እየቀረቡ ነው፡፡

የኪነ ጥበብ ሰዎች እና ሌሎች ታዋቂ ግለሰቦችም በተማሪዎቹ ላይ የተፈጸመውን እገታ እያወገዙ ነው፡፡ ተማሪዎቹ በአስቸኳይ እንዲለቀቁና ወደ ቤተሰቦቻቸው እንዲቀላቀሉም ነው እየጠየቁ የሚገኙት፡፡

የታገቱ ተማሪዎችን በተመለከተ የመንግስት ዝምታ ተገቢነት እንደሌለውም በተለያዩ ሚድያዎች እየዘገቡ ይገኛሉ፡፡ በተለይም አርቲስትና አክቲቪስት ታማኝ በየነ በማኅበራዊ ሚዲያ ገጻቸው በተንቀሳቃሽ ምስል ለጠቅላይ ሚኒስትር ዐብይ አሕመድ  ባስተላለፉት መልዕክት ስለጉዳዩ ግልጽ ማብራሪያ እንዲቀርብ ጠይቀዋል፡፡

“ዛሬ በድሃ አቅማቸው አስተምረው፣ ሀገራችን ነው ብለው ድሃ ልጆቻቸውን ወደ ኢትዮጵያ መሬት፣ ወደ ኢትዮጵያ ልከው፣ አድገው ተምረው እንዲረዷቸው የላኳቸው ወጣቶች ታፍነው ከ50 ቀን በላይ ድምጻቸው አልሰማ ሲል ከመንግስት የሰማነው ተፈትተው በቅርቡ ወደ ቤታቸው ይመለሳሉ ነው፡፡ ይሄው ያንን ከተባልንም ቀናት ተቆጠሩ፤ ክቡር ጠቅላይ ሚኒስትር ዐብይ እንዴት አስቻለዎት፣ በሌላ ጉዳይ ላይ ብዙ ጊዜ እየወጡ የተናገሩትን ያህል ይሄን የመሰለ ከባድ የእናቶች ሁለተኛ የምጥ ሰዓት ላይ እንዴት አስችሎዎት ዝም አሉ? ዝምታው ለምን ይሆን?” ሲሉ ጥያቄያቸውን አቅርበዋል፡፡

እየተደረገ ያለው ምን እንደሆነ፣ ማን ምን እንዳደረገ ዕውነቱ ዛሬ ሊነገር እንደሚገባም ነው አርቲስትና አክቲቪስት ታማኝ የጠየቁት፡፡ መንግሥት ይህን የማድረግ አቅም አለው ብለው እንደምያምኑም ተናግረዋል፡፡ እናም ‹‹በፍጹም ሳይውሉ ሳያድሩ ጠቅላይ ሚኒስትሩ የእነዚህን የታፈኑ ኢትዮጵውያን መጨረሻ ያሳውቁን ስል በአክብሮት እጠይቃለሁ›› ብለዋል ታማኝ በየነ  ሲል የአማራ ብዙሃን መገናኛ ድርጅት ዘግቧል፡፡

አዉሎ ሚድያ ጥር 18/2012 ዓ.ም

መልስ አስቀምጥ

Please enter your comment!
እባክዎ ስምዎን እዚህ ያስገቡ