ኢትዮጵያ ሱዳንና ግብጽ ሲያካሂዱት የነበረው ውይይት ተጠናቀቀ

0
85

የኢትዮጵያ ኤምባሲ በ አሜሪካ ዋሽንግተን ዲሲ ኢትዮጵያ ሱዳንና ግብጽ ሲያካሂዱት የነበረው ውይይት አስመልክቶ ትላንት ማምሻው መግለጫ ስጥቷል።
የኢትዮጵያ፣ የግብጽ እና የሱዳን የውጭ ጉዳይ ሚኒስትሮች፣ የውሃ ሃብት ሚኒስትሮች እና የልዑካን ቡድኖቻቸው በታላቁ የኢትዮጵያ ህዳሴ ግድብ ዙሪያ እኤአ ከጃንዋሪ 13 እስከ 15 ቀን 2020 በዋሽንግተን ዲሲ ሲያካሂዱት የነበረው ውይይት ዛሬ ተጠናቋል።
ውይይቱ የተካሄደው የአሜሪካ የገንዘብ ሚኒስትር ስቴቬን ሙንሺን እና የአለም ባንክ ፕሬዝዳንት ዴቪድ ማልፓስ በተገኙበት ነበር።
ውይይቱ ከዚህ ቀደም ተቋርጦ የነበረውን የቴክኒክ ውይይት በማስቀጠል በሶስቱ አገራት ዋና ከተሞች በአራት ዙር በውሃ ሃብት ሚኒስትሮች ሰብሳቢነት እንዲሁም በዋሽንግተን ዲሲ በሶስት ዙር በተካሄዱት ውይይቶች ዙሪያ ሪፖርት ቀርቦ የስትራቴጂካዊ ውይይት በማድረግ በመግባባት ተጠናቋል ነው ያለው በመግለጫው።

ከዚህም በመነሳት በእስካሁኖቹ የድርድር ሂደቶች የነበሩትን ልዩነቶች በጋራ ተጠቃሚነት መንፈስ በመፍታት ወደ መጨረሻ ስምምነት ለመድረስ በሚያስችሉ ነጥቦች ላይ የሃሳብ ልውውጥ ተደርጓል።
በቀጣይም በጃንዋሪ 28 እና 29 በዋሽንግተን ዲሲ በመገናኘት የመጨረሻ ስምምነት ላይ ለመድረስ መግባባት ላይ የተደረሰ ሲሆን፣ በመካከል ባለው ጊዜ ወቅት የሶስቱም አገራት የህግ ባለሙያዎች የተወከሉበት ቡድን በህግ ማዕቀፎቹ ላይ የጋራ ምክክር የሚያካሂድ ይሆናል ብሏል በምግለጫው።
ይሁን እንጂ በመግለጫው በመስማማት ትጠናቋል የተባለበት የስምምንት ነጥብ አልትገለፀም።
አዉሎ ሚድያ ጥር 7/2012 ዓ.ም

መልስ አስቀምጥ

Please enter your comment!
እባክዎ ስምዎን እዚህ ያስገቡ