በትራፊክ አደጋ በአማካይ በዓመት ከአራት ሺ በላይ ሰው ይሞታል

0
114

 ትናንት በተባበሩት መንግስታት ድርጅት የአፍሪካ ልማት ኮሚሽን (UNECA) አስተባባሪነት በኢትዮጵያ መንገድ ደህንነት  ላይ የዳሰሳ ጥናት ያቀረቡት በአዲስ አበባ ዩኒቨርሲቲ ረዳት ፕሮፌሰር ዶክተር ጌቱ ሰኚ  ገንዘብ መመደብ፣ የተጠናከረ የአደጋ መረጃ ምዝገባ ስርዓት መዘርጋት፣ ለመንገድ ደህንነት ቅድሚያ መስጠትና መሰረተ ልማት ማሟላት ይገባል ብለዋል፡፡

ከ 2007 እስከ 2018 እ.ኤ.አ መረጃ በመውሰድ ያብራሩት ጥናት አቅራቢው የትራፊክ አደጋ ከዓመት ዓመት እየጨመረ በርካታ ሰዎችን እየገደለ እንደሚገኝም ነው ያሰታወቁተ፡፡ ይህም የተለያዩ ባለድርሻ አካላት ከመቼውመ ግዜ በበለጠ በትብብር መስራት ይኖርባቸዋል ተብሏል፡፡

እ.ኤ.አ በ2007 በትራፊክ አደጋ ተመዝግቦ የነበረው 2 ሺ 100 የሞት አደጋ እ.ኤ.አ በ2017 ከአምስት ሺ በላይ መድረሱን የተጠናውን ጥናት ዋቢ በማድረግ አመልክተዋል፡፡ ከፌዴራል ፖሊስ የተገኘውን መረጃ መሰረት አድርገው እንደገለጹትም፤ አብዛኛው አደጋ የሚደርሰው አስፋልት መንገድ ላይ ሲሆን፤ አብዛኞቹ ተጎጂዎችም ተሳፋሪዎች ናቸው፡፡ በአንድ የተሽከርካሪ አደጋ 27፣ 22 እና 18 ሰዎች ይሞታሉ ያለው ጥናቱ፤ አዝማሚያው የተሽከርካሪ ፍጥነት መኖሩን ያሳያል ሲሉም ገልጸዋል፡፡ እ.ኤ.አ ከ2016 እስከ 2018 የሶስት ዓመታት መረጃ የዳሰሰው ጥናት እንዳመለከተውም በአማካኝ በዓመት አራት ሺ 732 ሰው በትራፊክ አደጋ ይሞታል:: ይህ ማለትም በቀን 13 ሰው በየሁለት ሰዓቱም አንድ ሰው ይሞታል ሲሉም ነው የተናገሩት፡፡

 አደጋው በአብዛኛው የሚያተኩረውም  ኦሮሚያ፣ አማራ፣ ደቡብ ብሄሮች ብሄረሰቦችና ህዝቦች ክልሎች እና አዲስ አበባ ከተማ መሆኑን ጠቁመዋል፡፡ አብዛኛው አደጋ የሚደርሰው በተሳፋሪዎች ላይ መሆኑን ያመለከቱት የጥናቱ አቅራቢ፤ አዲስ አበባና አቅራቢያ አካባቢዎች ከፍተኛ የትራፊክ አደጋ እንደሚመዘገብና ለዚህ ምክንያቱ ደግሞ መንገዱ የሚሸከመው የትራፊክ መጠን ከፍተኛ መሆኑ እንደሆነም አንስተዋል፡፡

ደረጃቸውን የጠበቁ በርካታ የመንገድ ግንባታ ስራዎች በትኩረት መሰራት እንዳለባቸውና ጥገና ላይ የሚሰሩ ሰዎችም የመንገድ ቅኝት አስተሳሰብ ላይ ያተኮሩ ተከታታይ ስልጠናዎችን መስጠት እንደሚገባም መክረዋል፡፡ የመሰረተ ልማት ባለሙያው አቶ ዮናስ በቀለ ባቀረቡት ጽሁፍ እንዳመለከቱትም፤ መንግስት በተሽከርካሪ ደህንነት የቴክኒክ ስራ ለግል ዘርፉ መሰጠቱ፤ ኪራይ ሰብሳቢነት፣ የመልካም አስተዳደርና የተጠያቂነት ችግሮች ስለሚስተዋልበት ጥብቅ ቁጥጥር እንደሚያስፈልገውና ተቋማቱም በኃላፊነት ስሜት እንዲሰሩ መክረዋል፡፡

በመንገድ ትራፊክ አደጋ እንደችግር ከሚቀርቡ ጉዳዮች መካከልም ፍጥነት አንዱ ነው ያሉት ኃላፊዋ የፍጥነት መገደቢያ መመሪያ በማውጣትና ከሶስት ሺ በላይ ተሽከርካሪዎች ላይ በመግጠም ወደ ስራ ተገብቷል፡፡ በቀጣይም የህዝብ ማመላለሻ ተሽከርካሪዎች ላይ ተግባራዊ እንደሚደረግ ተናግረዋል፡፡ በሲኖ ትራክና በሌሎች የጭነት ተሽከርካሪዎች ላይም እንደሚገጠም የገለጹት ኃላፊዋ፤ የተሽከርካሪ ምርመራ ተቋማት ላይ ድንገተኛ ፍተሻ በማድረግ ማሻሻያዎች እንደሚደረጉ አመልክተዋል፡፡

አዉሎ ሚድያ  ጥር 6/2012 ዓ/ም

መልስ አስቀምጥ

Please enter your comment!
እባክዎ ስምዎን እዚህ ያስገቡ