የመንግስትና የግል መስሪያ ቤቶች የኢትዮጵያ ኤሌክትሮኒክስ አንድ መስኮት አገልግሎትን ተግባራዊ ለማድረግ በዛሬው እለት ተፈራርመዋል።

0
75

ስምምነቱንም የገቢዎች ሚኒስቴር፣ የንግድ ሚኒስቴር፣ የግብርና ሚኒስቴር፣ የሳይንስና ኢኖቬሽን ሚኒስቴር፣ የትራንስፖርት ሚኒስቴር፣ የማዕድንና ኢነርጂ ሚኒስቴር፣ የኢትዮጵ ብሄራዊ ባንክ፣ የጉምሩክ ኮሚሽን፣ የኢትዮጵያ ኢንቨስትመንት ኮሚሽን፣ የኢትዮጵያ መረጃና መረብ ደህንነት ኤጄንሲ ጨምሮ በአጠቃላይ 16 የግልና የመንግስት ተቋማት ተፈራርመዋል።

በስካይ ላይት ሆቴል በተደረገው የፊርማ ስነ ስርዓት ላይ ንግግር ያደረጉት የገቢዎች ሚኒስቴር ሚኒስትር ወይዘሮ አዳነች አቤቤ፥ የኢትዮጵያ ኤሌክትሮኒክስ አንድ መስኮት አገልግሎት ያደጉ ሀገራትና በማደግ ላይ ያሉ ሀገራት ለንግድ ተወዳዳሪነት የሚጠቀሙበት አገልግሎት መሆኑን አንስተዉ ንግድን ለማሳለጥና ቀልጣፋ አግልግሎት ለመስጠት ያግዛል ብለዋል፡፡

አያይዘዉም አገልግሎቱ በሀገሪቱ በተለያዩ መስሪያ ቤቶች የሚሰጡ አገልግሎቶችን ቀላል፣ ተገማች፣ ቀልጣፋና ፈጣን ያደርገዋል ብለዋል።
ይህ ፕሮጀክትም ቅድመ ዝግጅት ስራዉን አጠናቆ ወደ ትገበራ ለመግባት ሊደርስ የቻለዉ በለውጡ በቁርጠኝነት በማናበብና በመቀናጀት በጋራ በመሰራቱ ስለሆነ ለቀጣይ ስራዎችም በአብሮነትና በቅንጅት ከሰራን ስኬታማ መሆን እንደምንችል ያሳየ ነው ብለዋል።

አሰራሮችን ወረቀት አልባ በማድረግ ቀላል አለም አቀፍ የንግድ ስርዓትና ሌሎች አገልግሎቶችን የሚሰጠው ይህ ስርዓት አገራዊ ገቢን በማሳደግ፤ ወጪን የሚቆጥብና የአገልግሎት አሰጣጥ ግዜን የሚቀንስ በመሆኑ ወደ ተግባር ሲገባም ዛሬ የተፈረመውን ዉል በአግባቡ በመከወን ስኬታማ ማድረግ ይገባል ብለዋል።
ከገባጭ ሚኒሰቴር የተገኘው መረጃ እንደሚያሳየው አሰራሩ ሙስናን በመቀነስ የደንበኞች እርካታን ይጨምራል፤ አለም አቀፍ ንግድን በማበረታታት ግልፅነትን ያሰፍናል መባሉንም ከገቢዎች ሚኒስቴር የተገኘው መረጃ ያመለክታል።

አውሎ ሚዲያ ታህሳስ 23/2012ዓ.ም

መልስ አስቀምጥ

Please enter your comment!
እባክዎ ስምዎን እዚህ ያስገቡ